Во тек е поставување на тартан подлоги на двете спортски игралишта во основното училиште “Никола Карев” Пробиштип. Во оваа фаза ќе се работи на игралиштето за фудбал, додека на игралиштето за кошарка веќе е завршено поставувањето на нова тартан подлога, по ова ќе следи одбележување на игралиштста и поставување на реквизити.
Средствата се обезбедени од буџетот на училиштето.
Во втора фаза од уредување на терените и училишниот двор ќе следи реконструкција на патеката за трчање, осветлување, реконструкција на игралиштето за тенис и реконструкција на отворените училници објави денеска градоначалникот Драган Анастасов.
